孕記

喺我唔記得之前真係要快d寫低佢，留個記錄～

之前提過依家啱啱到左懷孕中期，可以話係目前嚟講最舒服嘅時候。

雖然有腰酸背痛同半夜有陣時會因為背脊酸痛而醒，但係比起初期嗰陣已經係好好好好多喇～

嗰陣隔兩、三日就嘔一次，肉類、咖啡、肥膩多油嘅野淨係聞下都反胃。

可以食得落嘅有水果，果汁同日本野；加上胃口激減，食少少野已經飽兼胃氣脹（苦了我的格蘭兄，嗰陣成日放屁XD），所以喇，幾個星期激瘦左7磅 ><

大佬呀，呢個時候應該增磅，唔係減磅先係架嘛！

好在，到左第14週倒就冇乜點再嘔，胃口亦都慢慢返番嚟。

到第16、7週開始見肚嘅時候，就狂質自己食野，數字先慢~慢~爬升。

到啱啱上個禮拜（23週）再磅，終於去返未有bb之前嘅磅數喇～～

不過仍然要繼續食多d野增磅～

除左胃口轉好之外，我成日都好口渴。

依家日日水樽不離身，尤其係天氣瞞熱嘅時候更加要飲多幾啖水～

所以我係成日去廁所的。

加上個bb一係就鐘意坐喺我個藏水庫度，一係就一腳伸落個水庫度，所以隔冇耐又覺得要去廁所～

講開之前冇胃口同嘔，真係一個增強同耶穌關係嘅好時機。

嗰陣好辛苦架，肚餓又食唔落野，食得落又好快俾胃氣谷住搞到食完野都仲有空肚感，

有陣時仲要食幾啖又嘔返岀嚟，呢個時候真係覺得好孤單，好似自己一個孤身受苦咁～

（格蘭兄都好無助，我喺度嘔佢又覺得好似做唔到d咩幫我咁）

所以呢段時間同主嘅關係有d疏離。

但我心知咁樣係唔得架！要行近主先得！

於是每次食野之前都問下主：「我今日食乜好呀？有d咩我食完唔會嘔架呢？」

結果佢次次都有指引我去啱食嘅野～～嗰陣真係好開心～～

除左食之外，另一樣依靠主嘅係我個心。

我自問唔係一個成日焦慮嘅人，但依家砣住另一個生命，（加上冇經驗），（再加上自己大檬兼論盡），所以好自然會有擔心嘅時候，個心就有不安：

「我仲未見肚喎，會唔會係個b營養不良？！」

「我未見肚又未感覺到個b踢我，究竟佢喺入面係咩環境我真係乜都唔知架噃～」

「我頭先咁大動作會唔會chok親個b架？」

呢d咁有毒嘅諗頭真係唔要得！

所以喇，一有呢d諗法真係要即刻祈禱，求主將我呢d諗法清走，再擺真理落我度。

當然啦，呢樣野唔係學一次搞掂。

每次一亂諗野就要祈禱，提醒自己神的話語、神的真理。

當自己唔再亂諗野，而係focus喺真理度，自己個心好自然就安定落嚟～

咁萬試萬靈，真係要多謝聖靈～～（咁押韻可以做金句XD）

個b未岀世都已經有咁多磨鍊信念嘅機會，相信嚟緊會有更多新挑戰新機會，

我呢個新手媽一定會有應付唔嚟嘅感覺，

不過主一次又一次嘅扶持令我知道佢一定會再次幫我嘅~ :)

埋嚟睇~ 埋嚟揀~

新張大吉，梗係要賀一賀佢啦係咪～

咁就擺我張超聲波上枱，嚟個雙喜臨門喇喂～

呢位 >>>仁兄<<< 現正安穩喺我個肚度游水中，已經游左22個星期喇～

嚟緊喺11月尾正式脱離蛙人行列，做個腳踏實地嘅好漢子。

我地兩個都好期待佢嘅來臨，依家不斷喺間屋度整li整lo，等到時個b可以有個安落居～

我地何方神聖，等我介紹下先～

喺九龍東成長的八十後，喺屋企得個懶字，

點知上到中學話要離鄉別井要自己岀去尋異國夢，

於是乎，一個淨係識煮公仔麵嘅我，連會考放榜仲有幾日都唔等，

就飛左去加州同陽光玩遊戲。

但點知原來自己唔鐘意同陽光玩，於是就飛去另一個好少人聽過嘅州度同粟米田玩遊戲～

冇錯，係粟米田。因為我地呢度盛產粟米！

喺呢度，竟然俾我遇上兩個男人—— 其一係耶穌，其二係我的休閒風男孩（格蘭兄）。

呢兩個男人令到我嘅生活變得多姿多彩，從此我亦都唔再淨係煮公仔麵喇～～

呢個blog嘅目的係分享我嘅生活點滴同從中在主內學到嘅野，希望可以帶d正能量俾各位～～

我覺得嘛，人生有起有跌，你點生活視乎你嘅態度，

與其拿埋口面，不如用正能量（尤其係喺耶穌身上囉到嘅正能量）繼續向前衝，

就好似Dory (Finding Nemo) 個金句咁：Just Keeping Swimming！

大家得閒就上嚟飲啖茶食個包啦～～